پاکستان مسلم لیگ ن کو چترال میں مذیدمظبوط بنانے اور یوسی لیول پر تنظیم سازی کرنے کا فیصلہ

چترال (آوازچترال ) پاکستان مسلم لیگ ن چترال کا ایک اہم اجلاس کوثر ایڈووکیٹ کے زیر صدارت ولی ہاوس دنین چترال میں منعقد ہوا ۔جس میں ضلعی صدر لوئر چترال پاکستان مسلم لیگ (ن) نوید الرحمٰن چغتائ،صدر اپر چترال سید احمد خان، سابق (ایم این اے) شہزادہ افتخار الدین، عبد الولی خان ایڈوکیٹ، صدر یوتھ میڈیا ٹیم فوادالدین سمیت پاکستان مسلم لیگ ن چترال کے سینئر رہنماؤں نے کثیر تعداد میں شرکت کی۔اجلاس میں پاکستان مسلم لیگ ن کو چترال میں مذیدمظبوط بنانے اور یوسی لیول پر تنظیم سازی کرنے کا فیصلہ کیا گیا۔اور اس امید کا اظہار کیا گیا کہ مسلم لیگ نواز آنے والے انتخابات میں چترال کی ایک طاقتور جماعت بن کر ابھرے گی۔ اجلاس میں پی ایم ایل این چترال کو درپیش مسائل بھی زیر غور آیے۔ اور تمام قیادت اور شرکاء نے اپنے اپنے تحفظات کا کھل کر اظہار کیا۔اور پارٹی کو مذید فعال بنانے کے لیے تجاویز دیے گیے۔