عدم اعتماد کا معاملہ‘ 28مشکوک اراکین کی فہرست وزیراعظم کو پیش

اسلام آباد ( آوازچترال) وزیراعظم عمران کو تحریک عدم اعتماد کے معاملے پر 28 مشکوک اراکین کی فہرست پیش کردی گئی۔ ایک نجی ٹی وی کے مطابق ذرائع نے بتایا وزیراعظم عمران خان کو مبینہ طور پر28 اراکین کی فہرست پیش کی گئی جو ایک سول ادارے کی جانب سے بھجوائی گئی ہے۔  اس فہرست میں شامل تمام اراکین کا تعلق تحریک انصاف سے ہے جبکہ فہرست میں اتحادی جماعتوں کے اراکین کا ذکر نہیں۔ ذرائع کا کہنا ہے کہ رپورٹ میں جن اراکین کے نام شامل ہیں وہ عدم اعتماد میں اپوزیشن کو ووٹ دے سکتے ہیں جبکہ مبینہ مشکوک اراکین کی نگرانی بھی شروع کروا دی گئی ہے۔ ذرائع کے مطابق فہرست میں زیادہ وہ اراکین شامل ہیں جو دیگر جماعتیں چھوڑ کر تحریک انصاف میں آئے تھے۔ ذرائع کا کہنا ہے کہ وزیراعظم نے ان تمام ناراض اراکین کو منانے کا ٹاسک پرویزخٹک اور شاہ محمود قریشی کو دیا ہے۔