گڈ گورننس کے احداف کے حصول کیلئے عوامی خدمات کی فراہمی کے طریقہ کار کو آسان بنانا ہوگا،..ڈپٹی کمشنر لوئر چترال
چترال( آواز چترال) گڈ گورننس کے احداف کے حصول کیلئے عوامی خدمات کی فراہمی کے طریقہ کار کو آسان بنانا ہوگا، ڈپٹی کمشنر لوئر چترال محمّد انور الحق ڈسٹرکٹ اسٹیرنگ کمیٹی برائے رائٹ ٹو پبلک سروسز کمیشن کا اجلاس آج 03 مارچ2022 کو ڈپٹی کمشنرلوئر چترال، انور الحق
کے زیر نگرانی ڈپٹی کمشنر کے دفتر میں منعقد ہوا۔ اجلاس میں ایڈیشنل ڈپٹی کمشنر، اسسٹنٹ کمشنر محکمہ مال، محکمہ صحت، محکمہ بلدیات، محکمہ تعلیم اور دیگر محکموں کے نمائندوں نے شرکت کی۔ ڈسٹرکٹ مانیٹرنگ آفیسر، رائٹ ٹو پبلک سروسز کمیشن،لوئر چترال نے ان محکمہ جات
کی طرف سے شہریوں کو فراہم کردہ خدمات کی پراگرس رپورٹ پیش کی جس میں ان تمام محکمہ جات کی کارکردگی تسلی بخش قرار پائی گئی۔ ڈپٹی کمشنر نے ان کی کارکردگی کو سراہتے ہوئے تاکید کی کہ اپنے اپنے محکموں میں خدمات کی بروقت فراہمی کیلئے مزید کوششیں جاری رکھیں تاکہ عام شہری کو کسی قسم کے مشکلات کا سامنا نہ کرنا پڑے۔