تازہ ترین
مسلم لیگ ن نے ق لیگ کوسپورٹ کیاتوپنجاب میں تحریک انصاف کی حکومت 3منٹ میں گر جائیگی:حبیب اکرم کا دعویٰ
لاہور (آوازچترال رپورٹ) تجزیہ کار حبیب اکرم نے کہاہے کہ اگر مسلم لیگ ن وزیراعلیٰ پنجاب کیلئے ق لیگ کے امیدوار کو سپورٹ کرے تو پنجاب میں تحریک انصاف کی حکومت تین منٹ میں گر جائیگی۔
دنیانیوز کے پروگرام ”اختلافی نوٹ “ میں گفتگو کرتے ہوئے حبیب اکرم نے کہا کہ اگر مسلم لیگ ن وزیراعلیٰ پنجاب کیلئے ق لیگ کے امیدوار کو سپورٹ کرے تو پنجاب میں تحریک انصاف کی حکومت تین منٹ میں گر جائیگی اوریہی صورتحال مرکز میں بھی درپیش ہوسکتی ہے ، اس کے بعد عمران خان کے پاس صرف خیبر پختونخوا کی حکومت رہ جائیگی اور وہاں بھی مشکلات درپیش ہونگی کیونکہ مولانافضل الرحمان بھی پہلے سے زیادہ مضبوط ہوجائیں گے ۔
انہوں نے کہا کہ تحریک انصاف کیلئے سندھ میں پیپلز پارٹی کی حکومت کو گرانا کو آسان نہیں ہوگا ، اس لئے حکومت کوکارکردگی پر توجہ مرکوز کرنی چاہئے جو حکومت سے ہونہیں پا رہی ۔ انہوں نے کہا کہ تحریک انصاف نے بلدیاتی اداروں کو با اختیار بنانے کے حوالے سے بیک ٹریک کیاہے ۔ اس وقت بلدیاتی اداروں کو فنڈز نہیں دیئے جارہے اورصورتحال یہ ہے کو میونسپل کمیٹیوں میں ایک گٹر کا ڈھکن تک لگانے کیلئے پیسے نہیں ہیں۔
Facebook Comments
