نیب خیبر پختونخوا نے متعدد محکمہ جات کے اہلکاروں کے خلاف انکوائری کی منظوری دیدی

پشاور (   آوازچترال رپورٹ ) قومی احتساب بیورو خیبر پختونخوا کے ریجنل بورڈ کا اجلاس پشاور میں منعقدہوا۔فرمان اللہ خان ڈائریکٹر جنرل قومی احتساب بیورو، خیبر پختونخوا کی زیر صدارت منعقدہ اجلاس میں ڈائریکٹرز، ایڈیشنل ڈائریکٹرز،DPGA ،کیس آفیسر، سینئر قانونی مشیر کے علاوہ متعلقہ افسران نے شرکت کی۔
اجلاس میں مختلف عوامی شکایات کا نوٹس لیتے ہوئے تحقیقات کے احکامات جاری کیے گئے۔اجلاس میں محکمہ ٹوراِزم کارپوریشن خیبر پختونخوا کے ملازمین کے خلاف بدعنوانی کی تحقیقات کی منظوری دے دی۔ملزمان پر الزام ہے کہ انہوں نے قانون کی خلاف ورزی کر تے ہوئے محکمہ ٹوراِزم کارپوریشن خیبر پختونخوامیں غیر قانونی بھرتیاں کی۔اجلاس میں دوسری انکوائری ڈسڑکٹ ایجوکیشن آفیسر (زنانہ)ڈی آئی خان کے خلاف بدعنوانی اور اختیارات کے ناجائز استعمال کی منظوری دی۔ان پر الزام ہے کہ انہوں نے قانون کی خلاف ورزی کر تے ہوئے ڈسڑک ایجوکیشن آفیسر (زنانہ)ڈی آئی خا ن میں مختلف Cadre کی غیر قانونی بھرتیاں کی۔
اجلاس میںAdministrative Officer ، ٹی ایم اے نوشہرہ کے خلاف بدعنوانی اور اختیارات کے ناجائز استعمال کی تحقیقات کی منظوری دی۔ان پر الزام ہے کہ انہوں نے قانون کی خلاف ورزی کر تے ہوئے غیر قانونی بھرتیاں کی اور Tax Collections کے مختلف ٹھیکے اپنے فرنٹ مین کو دئیے۔
علاوہ ازیں اجلاس میں عمر حیات، Senior Auditor ، ڈسٹرک اکاؤنٹس آفیسرضلع شانگلہ کے خلاف آمدن سے زائد اثاثے بنانے پر ضمنی ریفرنس کی منظوری دی۔ڈی جی نیب نے عہد کیا ہے کہ جسٹس جاوید اقبال چےئرمین نیب کی فراہم کر دہ احکامات کی روشنی میں بدعنوانی کے روک تھام کے لئے نیب کے پی، صوبے سے کرپشن کے ناسور کو جڑ سے اُ کھاڑنے کے لئے پر عزم ہے۔ اور قانون کے مطابق بلا امتیاز احتساب کو یقینی بنانے کے لئے کو شاں ہے۔ کیونکہ یہ صرف ہماری اخلاق اور سماجی ذمہ داری ہی نہیں بلکہ ہماری والی نسلوں کی روشن مستقبل کی ضمانت بھی ہے۔