تازہ ترین

چترال سے ایم پی اے کی نشست کو ختم کرنے کے خلاف پشاور پریس کلب کے سامنے احتجاجی مظاہرہ

پشاور(نادرخواجہ سے) پشاور میں مقیم چترالی باشندوں نے چترال سے ایم پی اے کی نشست کو ختم کرنے کے خلاف پشاور پریس کلب کے سامنے احتجاجی مظاہرہ کیا ۔مظاہرے کی قیادت انجمن تحفظ حقوق چترال کے صدر تاجر رہنماء صادق امین ، چترال سے اے این پی کے صوبائی اسمبلی کے امیدوار ڈاکٹر سردار ، جے یو آئی کے مولانا رحمت کریم شاہ سمیت دیگر رہنما کررہے تھے ۔ مظاہرے میں تمام پارٹیوں کے کارکن شامل تھے مظاہریں نے بینرز اور کتبے اٹھا رکھے تھے اور الیکشن کمیشن کے اس فیصلے کے خلاف شدید نعرہ بازی کرررہے تھے اس موقع پر خطاب کرتے ہوئے مقررین نے کہا کہ چترال سے ایم پی اے کی نشست کے خاتمے کے فیصلے سے چترالی عوام میں مایوسی کی لہر پائی جاتی ہے اس فیصلے کو واپس نہیں لیا گیا اس کے خطر ناک نتائج برآمد ہوں گے چترالی عوام اپنے حقوق کے تحفظ کے لئے کی بھی قربانی سے دریغ نہیں کریں گے۔بعد ازاں مظاہریں پر امن طور پر منتشر ہوگئے۔

Facebook Comments

متعلقہ مواد

Back to top button