اگر 18سال کے بعد بھی قد بڑھانا چاہتے ہیں تو یہ کام کریں چھوٹے قد کے افراد کیلئے زبردست ٹوٹکا

اسلام آباد(مانیٹرنگ ڈیسک)چھوٹے قد کے افراد عموماََ اپنے قد کے حوالے سے فکر مند نظر آتے ہیں اور ان کی اپنے قد کے حوالے سے امیدیں 18سال کی عمر گزرنے کے بعد دم توڑ جاتی ہیںکیونکہ کہا یہ جاتا ہے کہ انسان کا قد 18سال کی عمر تک بڑھتا ہے مگر آپ یہ جان کر حیران رہ جائیں گےکہ چھوٹے قد کے افراد18سال کے بعد بھی اپنے قد کو بڑھا سکتے ہیں۔ اگر آپ کا قد بھی چھوٹا ہے اور آپ اس میں اضافہ کرنا چاہتے ہیں تو ان باتوں پر عمل کر کے آپ اپنے قد میں اضافہ کرسکتے ہیں۔ اپنی غذا میں دودھ ، خشک میوہ جات، سبزیوں، پھل، پروٹین اور کاربوہائیڈریٹس کا استعمال شروع کر دیں جو کےان ہارمونز کی بڑھوتری میں معاون ثابت ہوں گی جو آپ کا قد بڑھانے کے ذمہ دار ہوتے ہیں۔ ورزش کی عادت اپنائیں اور روزانہ 20سے 30منٹ تک ورزش کریں۔ دن کے کسی بھی حصے میں کم از کم 15 منٹ کےلیے وہ ورزش کیجیے جس سے آپ کے جسم میں کھنچاؤ پیدا ہو جب کہ لٹکنے والی تمام ورزشیں بھی آپ کےلیے بے حد فائدہ مند ہوسکتی ہیں۔ 24گھنٹوں میں سے 8گھنٹے پرسکون نیند ضرور لیں ، سگریٹ اور شراب نوشی ترک کردیجیے اور اس کی جگہ آپ سبزیوں کا سوپ اور جوس استعمال کیجیے۔وہ افراد جو اپنا قد بڑھانے کے خواہش مند ہیں انہیں چاہیے کہ وہ اپنے جسم کو سیدھا رکھیں اور جب بیٹھے ہوں تو 90 ڈگری کا خاص طور پر خیال رکھیں۔سردیوں میں صبح کے وقت دھوپ میں چہل قدمی آپ کے جسم میں موجود وٹامن ڈی کی کمی کو بھرپور انداز میںپورا کرتی ہے جو کہ ہڈیوں کیلئے نہایت ضروری ہے۔