کور کمانڈر کے پی کے کی جانب سے چترال کو الگ ڈوژن بنانے سے متعلق بیان کا خیر مقدم ۔۔ رضیت باللہ

چترال(آوازچترال نیوز)غیر سیاسی تنظیم چترال ایکشن فورم کے صدر اور معروف سماجی کارکن رضیت باللہ نے اپنے ایک اخباری بیان میں کور کمانڈر کے پی کے کے دورہ چترال اور چھ ستمبر کے واقعات کے حوالے سے اعتماد میں لینے کا شکریہ ادا کرتے ھوے کہا کہ کور کمانڈر نے دوران خطاب ضلع چترال کو الگ سے ڈوژن بنانے کی جو بات کی ھے اھلیان چترال اس کا دل کی گہرایوں سے خیر مقدم کرتے ھیں اپنے حالیہ دورہ چترال کے دوران عمائیدین سے سے خطاب کرتے ھوۓ کور کمانڈر نے دوران گفتگو چترال کی الگ ثقافت علاقائ صورتحال الگ زبان اور پاکستان کا جعرفیائ طور پر دوسرا بڑا ضلع ھونے کے ناطے ضلع چترال کو ملاکنڈ ڈوژن سے الگ کرکے اپنا علیحدہ ڈوژن بنانے کی جو بات کی ھے ھم اھلیان چترال اس بیان کو خوش ائیندہ سمجھتے ھیں اگر چترال انتظامی طور پر الگ ڈوژن بنے گا تو اس سے ترقیاتی کاموں میں بھی تیزی اۓ گی بدقسمتی سے مناسب نمائیندگی نہ ھونے کی وجہ سے ضلع چترال مختلف ترقیاتی کاموں میں دوسرے اضلاع سے کافی پیچھے رہ گیا ھے لہزا وقت کی ضرورت ھے کہ ڈویژن کے بیان پر عملدارامد شروع کیا جاۓ تاکہ چترالی قوم کو احساس محرومی سے نکالا جاسکےجہاں تک چھ ستمبر کے دن تحریک طالبان کے حملوں کا تعلق ھے ھم بحیثیت چترالی قوم ان کی بھر پور مزمت کرتے ھیں اور اپنی افواج کے ساتھ شانہ بشانہ کھڑے ھیں۔