تازہ ترینکاروبار

خیبر پختونخوا میں مفت راشن فراہمی کیلئے فوڈ کارڈ کا کا اجراء

پشاور( آوازچترال نیوز) وزیراعلیٰ خیبرپختونخوا محمود خان نے صوبے کے کم آمدن والے خاندانوں کیلیے مفت راشن کی فراہمی کیلیے فوڈ کارڈ اسکیم کا اجرا کردیا۔ ق خیبرپختونخوا کے کم آمدن والے خاندانوں کیلیے وزیراعلیٰ نے انقلابی اقدام کرتے ہوئے انہیں مفت راشن فراہمی کے لیے فوڈ کارڈ اسکیم کا اجرا کردیا ہے جس کا اطلاق 25 ہزار روپے ماہانہ سے کم آمدن والے گھرانوں پر ہوگا۔ انصاف فوڈ کارڈ اسکیم کے ذریعے مستحق خاندانوں کو اشیائے ضروریہ کی خریداری کیلیے ہر ماہ 2100 روپے نقد دیے جائیں گے۔ اس اسکیم سے 50 لاکھ افراد اور 10 لاکھ خاندان مستفید ہوں گے اور اس اسکیم پر سالانہ 26 ارب روپے لاگت آئے گی۔ انصآف فوڈ کارڈ اسکیم پر عملدرآمد کے لیے محکمہ خوراک اور بینک آف خیبر میں مفاہمت کی یادداشت پر دستخط کرنے کی تقریب وزیراعلیٰ ہاوس میں منعقد ہوئی۔ تقریب کے مہمان خصوصی وزیراعلی خیبر پختونخوا محمود خان نے خطاب کرتے ہوئے کہا کہ فوڈ کارڈ اسکیم پی ٹی آئی حکومت کا تاریخی اور غریب پرور منصوبہ ہے. اس اسکیم کا باقاعدہ آغاز یکم جولائی سے کیا جائے گا، پہلے مرحلے میں 10 لاکھ گھرانوں کو مدد فراہم کی جائے گی جبکہ آئندہ مرحلے میں مزید خاندانوں کو بھی اس اسکیم میں شامل کیا جائے گا۔

Facebook Comments

متعلقہ مواد

Back to top button