تازہ ترین

چترال کے بزرگ سیاست دان اور سابق وزیر مملکت شہزادہ محی الدین سیردور دروش میں سپرد خاک کیا گیا

چترال ( آوازچترال رپورٹ) چترال کے بزرگ سیاستدان اور سابق وزیر مملکت شہزادہ محی الدین کو جمعرات کے روز سیر دور دروش میں ان کے آبائی قبرستان میں سپردِ خاک کیا گیا۔ ان کا گزشتہ روز طویل علالت کے بعد بدھ کے روز اسلام آباد میں انتقال ہوگیا تھا۔ نماز جنازہ میں ارندو سے بروغل تک ہزاروں افراد شریک ہوئے جن میں مختلف سیاسی جماعتوں کے رہنما اور کارکن بھی شامل تھے۔ دریں اثنا چترال پریس کلب میں صدر ظہیر الدین کے زیر صدارت منعقدہ تعزیتی اجلاس میں شہزادہ محی الدین کے وفات پر گہرے رنج و غم کا اظہارِ کرتے ہوئے اسے ایک ناقابل تلافی نقصان قرار دیا۔ اجلاس میں چترال کی تعمیر و ترقی میں مرحوم کی کردار سیاست میں شرافت متعارف کرنے کو سراہا گیا۔

Facebook Comments

متعلقہ مواد

Back to top button