125

سرکاری اسپتالوں کوجانے والے راستوں سے تجاوزات ہٹانے کا فیصلہ

 پشاور ( آوازچترال  ) خیبرپختونخوا بھر میں تمام اسپتالوں کو جانے والے راستوں کو ہر وقت ٹریفک کے لئے سہل بنانے کا فیصلہ کیا گیا ہے۔ جس کے لئے محکمہ صحت نے صوبے بھر کے ڈپٹی کمشنرز کو باضابطہ مراسلہ جاری کردیا ہے۔ مراسلے کے مطابق خیبرپختونخوا کے تمام اسپتالوں کے راستوں اور گزرگاہوں پر مختلف تجاوزات و رکاوٹوں کے باعث مشکلات کا سامنا ہے، اسپتالوں کے اردگرد غیر قانونی ٹیکسی اسٹینڈ اور فارمیسی شاپس کے سامنے مختلف گاڑیوں کی بھرمار اور مختلف کھانے پینے کی اشیاء کے سٹالز و ریڑھیاں اسپتالوں کے راستوں میں رکاوٹوں کا سبب بنی ہوئی ہیں جس کی وجہ سے اکثر مریضوں کو شعبہ ایکسیڈنٹ و ایمرجنسی تک پہنچانے میں انتہائی دقت کا سامنا ہوتا ہے، جس سے کوئی سانحہ بھی رونما ہوسکتا ہے لہذا اس سلسلے میں جامع پلان کی ضرورت ہے تاکہ ان راستوں اور گزرگاہوں کو رکاوٹوں سے پاک کیا جاسکے۔

Facebook Comments