74

حکومت نے بجلی مزید ساڑھے تین روپے مہنگی کرنیکی تیاری شروع کردی

لاہور ( آوازچترال )وفاقی حکومت نے ملک بھر میں بجلی کی فی یونٹ قیمت میں 3 روپے 30 پیسے مزید اضافہ کرنے کی تیاری شروع کردی ہے۔  بتایا گیا ہے کہ پیپکو نے وفاقی حکومت کو بجلی کی قیمت میں مزید 3 روپے 30 پیسے فی یونٹ بڑھانے کی سفارش کی ہے۔ جس پر حکومت نے سوچ بچار شروع کردیا ہے۔  بجلی کی قیمت بڑھنے سے بجلی کے صارفین پر 3 سو ارب روپے کا اضافی بوجھ پڑ جائے گا۔  واضح رہے کہ وفاقی حکومت نے چند روز قبل بجلی کی فی یونٹ قیمت میں 1 روپے 20پیسے کا اضافہ کیا تھا۔  بجلی کی قیمت میں مزید اضافے سے ملک میں پہلے سے موجود مہنگائی میں مزید طوفان برپا ہونے کا خدشہ ہے۔

Facebook Comments