تازہ ترین

پاکستان کے اہم ترین شہر سے ’را‘ کے لیے کام کرنے والا سرکاری ملازم گرفتار پاکستانی خفیہ ہاتھوںنے گردن سے دبوچ لیا

کراچی ( آوازچترال نیوز) پاکستان کے اہم ترین شہر سے ’را‘ کے لیے کام کرنے والا سرکاری ملازم گرفتار، بھارتی خفیہ ایجنسی کیلئے کیا شرمناک فرائض سر انجام دیا کرتا تھا، پاکستانی خفیہ ہاتھوںنے گردن سے دبوچ لیا ۔۔ ۔ایف آئی اے کے انسدادِ دہشت گردی ونگ کی کارروائی میں بھارتی خفیہ ایجنسی را سے فنڈنگ حاصل کرنے والے سرکاری ملازم آصف صدیقی کو گرفتار کرلیا گیا۔ نجی ٹی وی چینل کے مطابق حکام نے بتایا کہ ایف آئی اے انسداد دہشت گردی ونگ کی کراچی میں اہم کارروائی میں ’’ را‘‘ سلیپر سیل کا اہم رکن آصف صدیقی گرفتار کیا گیا ہے۔ ملزم آصف صدیقی اسلحے کی ترسیل میں بھی ملوث ہے ۔ گرفتار ملزم 17گریڈ کا سرکاری ملازم تھا اور قانون نافذ کرنے والے اداروں سے متعلق معلومات بھارت بھیجتا تھا۔ حکام کا دعویٰ ہے کہ ملزم آصف صدیقی کا تعلق ایم کیو ایم لندن سے ہے اور وہ تنظیم کے سلیپرسیل کا رکن ہے اور بھارتی خفیہ ایجنسی را سے دہشت گردی کیلئے فنڈنگ حاصل کرتا تھا۔ ایف آئی نے ملزم آصف صدیقی کو جسمانی ریمانڈ حاصل کرنے کیلئے عدالت میں پیش کیا تھا۔ عدالت نے ملزم 15 مئی تک ملزم کا جسمانی ریمانڈ منظور کرلیا ہے۔

Facebook Comments

متعلقہ مواد

Back to top button