میٹرک اور انٹر امتحانات جون میں شروع کرنیکا فیصلہ

پشاور(آوازچترال رپورٹ)۔خیبر پختونخوا حکومت نے نہم دہم ٗ گیارویں اور بارویں کے امتحانا ت جون کے پہلے ہفتے سے شروع کرنے کا فیصلہ کیا ہے ٗ اس ضمن میں پشاور سمیت صوبے کے آٹھوں تعلیمی بورڈوں کو آگاہ کر دیا گیا ہے ٗ کورونا وائرس کے باعث مارچ میں میٹرک امتحانات اور اپریل میں ہونے والے انٹر میڈیٹ کے امتحانات منسوخ کر دیئے تھے۔ میٹرک امتحانات کے تحت نہم کا پہلا پرچہ بھی لیا گیا تھا محکمہ ابتدائی و ثانوی تعلیم کے وزیر نے اعلیٰ حکام سے مشاورت کے بعد صوبے کے آٹھوں تعلیمی بورڈوں کو انتظامات کرنے کی ہدایت کر دی ہے اور جون کے پہلے ہفتے میں امتحانات کے انعقاد کو یقینی بنانے کے احکامات جاری کئے ہیں۔