کورونا وباء ٗ سالانہ تبلیغی اجتماع بھی ملتوی

لاہور(آوازچترال رپورٹ)۔کورونا وائرس کے پیش نظر رائے ونڈ میں ہونے والا سالانہ تبلیغی اجتماع بھی ملتوی کر دیا گیا۔حکومت سے مشاورت کے بعد تبلیغی اجتماع کی مرکزی شوری نے ہدایت جاری کر دی ہے جس میں کہا گیا ہے کہ ملک بھر میں موجود تمام جماعتیں انتظامیہ سے تعاون کی پابند ہوں گی۔ مرکزی شوری نے لوگوں کو اللہ تعالیٰ کے حضور توبہ اور استغفار کرنے کی تلقین کی ہے۔ جاری ہدایات میں کہا گیا ہے کہ تمام تبلیغی جماعتیں جہاں ہیں، وہیں رہیں گی۔مرکزی شوریٰ کی جانب سے واضح ہدایات میں کہا گیا ہے کہ تبلیغی جماعتیں گشت، بیان اور مجمع جمع نہیں کریں گی۔ تمام جماعتیں انتظامیہ سے مکمل تعاون کریں گی۔ تبلیغی جماعت کے کارکنان، مستورات، بچے اور بڑے اللہ تعالی کے حضور توبہ واستغفار کریں۔