243

نور نوازنےگولین پراجیکٹ کے حوالے سے انکوائری کا آغاز کیا ۔ جس کی وجہ سے اسے راستے سے ہٹانے کی کوشش کی گئی۔..اسرار الدین

  چترال ( نمائندہ آوازچترال ) چترال کے کنٹریکٹرز صلاح الدین ،اسرار الدین ،کفایت اللہ ، سرفرازالدین، شجاع ، اصلاح الدین وغیرہ نے ٹی او آئی نور نواز کے خلاف بعض ٹھیکیداروں کی طرف سے لگائےگئے کرپشن کے الزامات کو من گھڑت بے بنیاد اور حقیقت کے بالکل بر عکس قرار دیتے ہوئے مطالبہ کیا ہے ۔ کہ اسے دوبارہ ٹی ایم اے چترال میں اپنے پوسٹ پر واپس لایا جائے ۔ چترال پریس کلب میں ایک پریس کانفرنس سے خطاب کرتےہوئے انہوں نے کہا ۔ کہ ٹی او آئی نور نواز ایک دیانتدار اور ایماندار آفیسر ہیں ۔ جس نے ہمیشہ اپنی سرکاری ذمہ داریوں کو پوری دیانتداری کے ساتھ انجام دی ۔ اور کرپشن کو اپنے پاس نہ پھٹکنے دی ۔ نور نوازنےگولین پراجیکٹ کے حوالے سے انکوائری کا آغاز کیا ۔ جس کی وجہ سے اسے راستے سے ہٹانے کی کوشش کی گئی۔ انہوں نے کہا ۔ کہ ٹی ایم اے کے اندر جعلی دستخطوں سے نوے لاکھ روپے کی کرپشن کی گئی ہے ۔  ۔  انہوں نے کہا ۔ کہ ٹی او آئی نور نواز کو سنے بغیر اس کا تبا دلہ کرنا زیادتی اور نا انصافی ہے ۔ جبکہ سیف الرحمن انجینئر میں ٹی او آئی بننے کی اہلیت ہی نہیں ہے ۔ ایک سوال کے جواب میں انہوں نے کہا ۔ کہ وہ نور نواز کی حمایت نہیں کرتے ۔ بلکہ نا انصافی کے خلاف میدان میں آئے ہیں ۔ اگر نور نواز بھی کرپشن میں ملوث ہے ۔ تو اس کے خلاف بھی کاروائی کی جائے ۔ تاہم ہمیں یقین ہے ۔ کہ وہ ایک دیانتدار آفیسر ہیں ۔ اور وہ کرپشن سے پاک ہے

Facebook Comments