خیبر پختونخوا لوکل گورنمنٹ ایکٹ 2019 پشاور ہائیکورٹ میں چیلنج | Awaz-e-Chitral

Home / تازہ ترین / خیبر پختونخوا لوکل گورنمنٹ ایکٹ 2019 پشاور ہائیکورٹ میں چیلنج

خیبر پختونخوا لوکل گورنمنٹ ایکٹ 2019 پشاور ہائیکورٹ میں چیلنج

پشاور:(آوازچترال رپورٹ) خیبر پختونخوا کے لوکل گورنمنٹ ایکٹ 2019 کو پشاور ہائیکورٹ میں چیلنج کردیا گیا۔  لوکل گورنمنٹ ایکٹ کے خلاف رکن صوبائی اسمبلی محمود احمد بٹنی نے علی گوہر درانی ایڈوکیٹ کی وساطت سے درخواست ہائیکورٹ میں دائر کردی، درخواست میں موقف اختیار کیا گیا ہے کہ لوکل گورنمنٹ انتخابات کے لئے انتظامات مکمل نہیں ہیں اور حکومت الیکشن کرانا چاہتی ہے۔ درخواست میں کہا گیا ہے کہ خیبر پختونخوا حکومت نے لوکل گورنمٹ ایکٹ میں ترمیم کی ہے جس کے تحت 120 دن میں الیکشن ممکن نہیں ہے  جب کہ فاٹا انضمام اور نئے لوکل گورنمنٹ ایکٹ 2019 کے بعد حلقہ بندیاں دوبارہ ہونی چاہیے، ابھی تک نئی حلقہ بندیاں نہیں ہوئی تو الیکشن کیسے ہوگا؟

error: Content is protected !!