66

جشن کمراٹ اور بروغل فیسٹیول کی تیاریاں

پشاور(آوازچترال رپورٹ)۔خیبر پختوخوا کے سینئر وزیر برائے سیاحت محمد عاطف خان نے جشن کمراٹ اور بروغل فیسٹول کے لئے تمام تیاریاں مکمل کرنے کی ہدایت کرتے ہوئے کہا ہے کہ جشن کمراٹ کو اس سال پورے جوش وجذبے کیساتھ منایا جائیگا جس سے دنیا کو ایک مثبت اور امن کا پیغام دینا ہے۔جشن کمراٹ 24 سے 26 اگست تک منایا جائیگا۔فیسٹول میں میوزیکل نائٹ اور فائر ورکس سمیت مقامی ثقافت کو پیش کیا جائیگا۔اس حوالے سے سینئر وزیر کی زیر صدارت ایک اعلی سطح اجلاس منعقد ہوا۔ اجلاس میں جشن کمراٹ، بروغل اور کیلاش اچاو فیسٹول کی تیاریوں کا جائزہ لیا گیا۔اجلاس میں سیکرٹری سیاحت کامران رحمان، ایڈیشنل سیکرٹری بابر خان اور منیجنگ ڈائریکٹر ٹورازم جنید خان سمیت دیگر اعلی حکام نے شرکت کی۔ سینئر وزیر کو تینوں فیسٹول کے حوالے سے تفصیلی بریفنگ دی گئی۔ سینئر وزیر نے کہا کہ جشن کمرا ٹ پورے جوش وجذبے کیساتھ منایا جائیگا۔انہوں نے متعلقہ حکام کو جشن کمرا ٹ کے لئے تمام تر تیاریاں مکمل کرنے کی بھی ہدایت کی۔ سینئر وزیر نے کہا کہ جشن کمرا ٹ سے پوری دنیا کو ایک پسماندہ علاقے سے مثبت اور امن کا پیغام دینا ہے۔ انہوں نے کہا کہ کمراٹ ایک نیا سیاحتی مقام ہے جہاں جوق در جوق سیاح جاتے ہیں۔کمراٹ میں بنیادی سہولیات سمیت سیاحوں کی آسانی کے لئے تمام سہولیات فراہم کی جائیگی۔کمراٹ کے علاوہ دیر میں مزید نئے سیاحتی مقامات کی تلاش بھی جاری ہے جو بہت جلد دریافت کرکے ترقی دی جائیگی۔ سینئر وزیر نے بروغل اور اچاو فیسٹول کے لئے بھی بھرپور تیاری کرنے کی ہدایت کی۔اجلاس میں نئے سیاحتی زونز،ریسٹ ہاوسز،ایڈونچر ٹورازم سمیت سیاحتی مقامات پر دیگر سہولیات کے حوالے سے بھی بحث ہو

Facebook Comments