بی آر ٹی مکمل ہونے کی تاریخ مانگنا ستارے مانگنے کے مترادف ہے، پشاور ہائیکورٹ | Awaz-e-Chitral

Breaking News

Home / تازہ ترین / بی آر ٹی مکمل ہونے کی تاریخ مانگنا ستارے مانگنے کے مترادف ہے، پشاور ہائیکورٹ

بی آر ٹی مکمل ہونے کی تاریخ مانگنا ستارے مانگنے کے مترادف ہے، پشاور ہائیکورٹ

پشاور(آوازچترال رپورٹ)پشاور ہائی کورٹ نے ریمارکس دیے ہیں کہ بی آر ٹی مکمل ہونے کی تاریخ مانگنا ستارے مانگنے کے مترادف ہے۔  جسٹس قیصر رشید اور جسٹس عبدالشکور پر مشتمل پشاور ہائیکورٹ کے 2 رکنی بنچ نے بس ریپڈ ٹرانزٹ (بی آر ٹی) کی زد میں آنے والی زیر زمین دکانوں سے متعلق کیس کی سماعت کی۔ درخواست گزار نے عدالت سے استدعا کی کہ بی آر ٹی کی زد میں 47 دکانیں آئیں، لیکن حکومت اب دوبارہ اتنی تعداد میں دکانیں نہیں دے رہی، نومبر میں زیر زمین دکانیں توڑی گئیں لیکن اب تک ادائیگی بھی نہیں کی گئی، بی آر ٹی مکمل ہونے کی تاریخ بھی نہیں بتائی جارہی۔جسٹس قیصر رشید نے ریمارکس دیے کہ آپ ستارے مانگ رہے ہیں جس کا ملنا مشکل ہے، بی آر ٹی کی مکمل ہونے کی تاریخ نہ مانگیں یہ ستارے مانگنے کے مترادف ہے۔ پشاور ڈولپمنٹ اتھارٹی (پی ڈی اے) کی جانب سے جواب جمع کرایا گیا جس پر ہائی کورٹ نے دیگر فریقین سے بھی جواب طلب کرتے ہوئے انہیں نوٹس جاری کردیے۔

error: Content is protected !!