خیبر پختونخواہ کی 16 صوبائی نشستوں پر انتخابات کا شیڈول | Awaz-e-Chitral

Breaking News

Home / تازہ ترین / خیبر پختونخواہ کی 16 صوبائی نشستوں پر انتخابات کا شیڈول

خیبر پختونخواہ کی 16 صوبائی نشستوں پر انتخابات کا شیڈول

اسلام آباد۔(آوازچترال نیوز)خیبر پختونخواہ کی 16 صوبائی نشستوں پر انتخابات کا شیڈول اپریل کے آخری ہفتے میں متوقع ہیں ۔الیکشن کمیشن حکام کے مطابق صوبائی اسمبلی خیبر پختونخواہ حلقہ 100 سے 115 پر انتخابات کا انعقاد کیا جائے گا۔الیکشن کمیشن کے مطابق تمام متعلقہ اضلاع میں انتخابی فہرستوں کی نظر ثانی کا کام مکمل کرلیا گیا، الیکشن کمیشن کے مطابق 26 لاکھ سے زائد ووٹرز پر مشتمل تجدید شدہ انتخابی فہرستیں متعلقہ تمام اضلاع کو فراہم کردی گئیں۔
الیکشن کمیشن کے مطابق ووٹرز اپنے ووٹ کے اندراج اور ہیلپ لائن سے تفصیلات جاننے کے لیے اپنا شناختی کارڈ نمبر 8300 پر ایس ایم ایس کریں۔الیکشن کمیشن کے مطابق اندراج و منتقلی ووٹ کے لئے فارم نمبر 21 دفتر ضلعی الیکشن کمشنر / رجسٹریشن آفیسر میں جمع کروایا جاسکتا ہے،الیکشن شیڈول جاری ہونے پر انتخابی فہرستیں منجمد کردی جائیں گی۔ حکام کے مطابق تمام دفاتر کی تفصیلات اور فارم نمبر 21 الیکشن کمیشن آف پاکستان کی ویب سائٹ www.ecp.gov.pk سے بھی حاصل کی جاسکتی ہیں،۔

error: Content is protected !!