قرآن پاک کا غلط ترجمہ کرنے والوں کے خلاف کارروائی،قرآن ایکٹ پر من و عن عمل درآمد کا حکم | Awaz-e-Chitral

Breaking News

Home / تازہ ترین / قرآن پاک کا غلط ترجمہ کرنے والوں کے خلاف کارروائی،قرآن ایکٹ پر من و عن عمل درآمد کا حکم

قرآن پاک کا غلط ترجمہ کرنے والوں کے خلاف کارروائی،قرآن ایکٹ پر من و عن عمل درآمد کا حکم

لاہور (آوازچترال نیوز )لاہور ہائیکورٹ نے قرآن ایکٹ پر من و عن عمل درآمد کا حکم دیتے ہوئے آئی جی پنجاب کو قرآن پاک کا غلط ترجمہ کرنے والوں کے خلاف قانون کے مطابق کارروائی کی ہدایت کر دی ہے جسٹس شجاعت علی خان نے شہری محمد حسن کی درخواست پر سماعت کیعدالتی حکم پر آئی جی پولیس پنجاب اسپیشل سیکرٹری ہوچیئرمین قرآن بورڈ پنجاب ،ایم ڈی اوقاف اور دیگر افسران لاہور ہائیکورٹ میں پیش ہوئے درخواست گزار نے عدالت کو بتایا کہ قادیانیوں کا ایک گرو قرآن پاک کے غلط ترجمے میں ملوث ہے جو چنیوٹ میں قادیانیوں کی جانب سے قرآن پاک کا غلط ترجمعہ کررہا ہے جبکہ افسران کو اطلاع دینے کے باوجود کاروائی نہیں ہورہی درخواست گزار نے عدالت سے استدعا کی کہ عدالت ذمہ داروں کے خلاف کاروائی کا حکم دے درخواست گزار نے ترمیم شدہ قرآن پاک کے نمونے بھی عدالت کے روبرو پیش کیے جسٹس شجاعت علی خان نے قرار دیا کہ رنگ نسل اور تعصب سے بالاتر ہو کر قرآن ایکٹ پر عمل در آمد کیا جائے ہم سب پاکستان کے شہری ہیں مگر قانون پر عمل درآمد ہر شہری پر فرض ہے عدالت نےآئی جی پنجاب کو مخاطب کرتے ہوئے کہا کہ آپ پنجاب پولیس فورس کے سربراہ ہیں اس معاملے کو خصوصی طور پر دیکھیں ہماری کسی کے ساتھ ذاتی رنجش نہیں بس قانون پر عمل ہونا چاہئیے عدالت نے واضح کیا کہ قرآن ایکٹ قرآن رولز کے تحت کارروائی بنتی ہے تو قانون حرکت میں آئے عدالت نے ڈی جی اوقاف سے استفسار کیا کہ آپ پر تو الزام ہے کہ آپ تعاون نہیں کرتے جس پر ڈی جی اوقاف نے کہا کہ یہ الزام اور تاثر بالکل غلط ہے محکمہ اوقاف اپنی ذمہ دارایاں پوری کر رہے ہیں لاہور ہائیکورٹ نے تمام وفاقی اور صوبائی ادارے کو قرآن ایکٹ پر عمل در آمد کرنے کا حکم دیتے ہوئے سماعت ملتوی کر دی۔

error: Content is protected !!