76

حکومت نے جماعت الدعوۃ اور فلاح انسانیت فاؤنڈیشن کے خلاف بڑے اقدام کا فیصلہ کرلیا،وزیراعظم عمران خان نے منظوری دیدی

اسلام آباد (این این آئی)وفاقی حکومت نے جماعت الدعوۃ اور فلاح انسانیت فاؤنڈیشن کو کالعدم تنظیمیں قرار دینے کا فیصلہ کیا ہے۔ جمعرات کو وفاقی وزارت داخلہ کے ترجمان کی جانب سے جاری بیان کے مطابق وزیراعظم عمران خان کی سربراہی میں قومی سلامتی کمیٹی کا اجلاس ہوا جس میں نیشنل ایکشن پلان کا جائزہ لیا گیا ۔ترجمان کے مطابق قومی سلامتی کمیٹیکے اجلاس میں کالعدم تنظیموں کیخلاف کارروائی کو تیز کرنے کا فیصلہ کیا گیا۔ترجمان وزارت داخلہ کے مطابق اجلاس میں اس بات کا بھی فیصلہ کیا گیا کہ وزارت داخلہ کی جانب سے جماعت الدعوۃ اور فلاح انسانیت فاؤنڈیشن کو کالعدم تنظیم قرار دیا جائیگا۔اجلاس میں جماعت الدعوۃ اور فلاح انسانیت فاؤنڈیشن کے اثاثے منجمد کرنے کی بھی ہدایت کی گئی۔

Facebook Comments