احسان مانی کے گھر کی تزئین و آرائش کیلئے 22 لاکھ روپے منظور | Awaz-e-Chitral

Home / تازہ ترین / احسان مانی کے گھر کی تزئین و آرائش کیلئے 22 لاکھ روپے منظور

احسان مانی کے گھر کی تزئین و آرائش کیلئے 22 لاکھ روپے منظور

اہور۔(آواز چترال نیوز) پاکستان کرکٹ بورڈ کے 73سالہ سربراہ احسان مانی کو گھر کی تزئین و آرائش کے لئے 22لاکھ روپے کی خطیر رقم پی سی بی کے خزانے سے دی جائیگی۔اس بات کا باقاعدہ اجازت نامہ لاہور میں گورننگ بورڈ کے اجلاس کے دوران دیا گیا۔ احسان مانی نے 4ستمبر 2018 کو باقاعدہ اپنے عہدے کا چارج لیا تھا، احسان مانی 26 سال سے برطانیہ میں رہائش پذئیر ہیں، اس لئے ان کے پاس پاکستان میں کوئی گھر نہیں ہے۔کراچی میں گزشتہ سال پریس کانفرنس میں احسان مانی نے صحافی کی جانب سے پی سی بی کی جانب سے گھر دینے کے سوال پر کہا تھا کہ وہ داتا دربار میں تو رہ نہیں سکتے۔ لہٰذا پی سی بی نے رہائش کے لئے ان کو لاہور کے ایک پوش علاقے میں دو لاکھ ماہانہ پر ایک فلیٹ کرائے پر لے کر دیا ہے۔اور اب احسان مانی کو پی سی بی کے خزانے سے اس فلیٹ کی تزئین و آرائش کے لئے 22لاکھ روپے دینے کی باقاعدہ منظوری پی سی بی گورننگ بورڈ کے 52ویں اجلاس میں دی گئی ہے۔

error: Content is protected !!