پاکستان میں اس سال شدید ترین گرمی ،تباہ کن سیلاب ، پاکستان فلڈ کنٹرول سنٹر نے پیشگی خبر دار کرتے ہوئے خطرے کی گھنٹی بجا دی | Awaz-e-Chitral

Home / تازہ ترین / پاکستان میں اس سال شدید ترین گرمی ،تباہ کن سیلاب ، پاکستان فلڈ کنٹرول سنٹر نے پیشگی خبر دار کرتے ہوئے خطرے کی گھنٹی بجا دی

پاکستان میں اس سال شدید ترین گرمی ،تباہ کن سیلاب ، پاکستان فلڈ کنٹرول سنٹر نے پیشگی خبر دار کرتے ہوئے خطرے کی گھنٹی بجا دی

اسلام آباد( آوازچترال نیوز)پاکستان فلڈ کنٹرول کے چیئرمین احمد کمال نے کہاہے کہ رواں سال پاکستان میں شدید گرمی پڑے گی جس کی وجہ سے سیلابوں کا خطرہ زیادہ ہے۔غیر ملکی نشریاتی ادارے کو دیئے گئے انٹرویو میں احمد کمال کا کہنا تھا کہ کرہ ارض کے درجہ حرارت میں اضافے کی وجہ سے دنیا بھر میں موسمیاتی تبدیلیوں میں شدت آ رہی ہے۔ دنیا بھر کے ممالک یہ اتفاق کرتے ہیں کہ موسمیاتی تبدیلی ایک حقیقت ہے جو کرہ ارض کے نظام کو بڑے پیمانے پر متاثر کر رہی ہے۔ ہم موسمیاتی تبدیلیوں کی بین الاقوامیکمیٹی سے رابطے میں ہیں ۔چیئرمین پاکستان فلڈ کنٹرول کا کہنا تھا کہ پاکستان میں رواں برس موسم سرما گزشتہ 15 برسوں میں سب سے زیادہ شدید ہے، کئی علاقوں میں ریکارڈ برفباری ہوئی ہے، اگر رواں برس اسی شدت کی گرمی پڑی جس شدت کی سردی ہے تو پہاڑوں پر سے بڑی مقدار میں برف پگھل سکتی ہے۔ اگر چہ پاکستان میں قابل استعمال پانی جمع کرنے کے لئے بنائے گئے دونوں بڑے ڈیم خالی ہیں لیکن اس کے باوجود دریاؤں میں پانی میں غیر معمولی اضافے کے نتیجے میں 2019 میں سیلابوں کا خطرہ نسبتاً زیادہ ہے۔

error: Content is protected !!