61

بچے کی پیدائش پر والد کو 10 دن کی چھٹی دینے کا قانون نافذ

وفاقی حکومت نے بچے کی پیدائش پر والد کو 10 روز کی چھٹی دیے جانے کے قانون منظوری دے دی۔

وزارت برائے انسانی حقوق کی سیکریٹری ربیعہ جاویری آغا کے مطابق نیشنل کمیشن آن اسٹیٹس آف ویمن کے قوانین میں والد کو چھٹی دی جانے کی شق شامل کی گئی ہے۔

اس نئی شق کے مطابق ’ ریگولز سروس پر مامور مرد ملازمین کو بچے کی پیدائش پر 10 روز کی چھٹی کی اجازت ہوگی اور والد کو چھٹی کے موقع پر مکمل تنخواہ اور الاؤنسز دیے جائیں گے۔

 مذکورہ قانون کا اطلاق تمام سرکاری اور نجی اداروں کے ملازمین پر کیا جائے گا۔

وزارت برائے انسانی حقوق کے مطابق حکومت نے خواتین ملازمین چھٹیوں میں کوئی تبدیلی نہیں کی انہیں بچے کی پیدائش کے موقع پر 90 روز کی چھٹی ہی دی جائے گی۔

خیال رہے کہ اس سے قبل پاکستان میں بچوں کی پیدائش پر والد کو چھٹی دینے سے متعلق کسی قسم کی قانون سازی نہیں کی گئی تھی، موجودہ حکومت کے نئے قانون کے تحت والد بننے پر مرد حضرات کو لازمی 10 روز کی چھٹی ملے گی۔

Facebook Comments