94

یہ کام کبھی نہ کرنا ورنہ قتل کر دیے جاؤ گے، سپین کی معروف خاتون نجومی نے عمران خان کو نوجوانی کے زمانے میں کس چیز سے روکا تھا؟ لیکن وہ پھر بھی باز نہ آئے، حیرت انگیز انکشافات

اسلام آباد (مانیٹرنگ ڈیسک) تحریک انصاف کی انتخابات میں کامیابی کے بعد اب عمران خان وزیراعظم بننے کی پوزیشن میں ہیں، اس موقع پر ایک خاتون نجومی کی پیشگوئی گردش کر رہی ہے جس میں انہوں نے کہا کہ اگر عمران خان وزیراعظم بنے تو قتل کر دیے جائیں گے۔واضح رہے کہ سکاٹ لینڈ کے معروف مورخ اور مصنف ویلیم ڈیلرمپل نے اپنی کتاب ’’دی ایج آف کالی‘‘ میں عمران خان کے دوست یوسف صلاح الدین کے حوالے سے یہ عقدہ وا کیا ہے، انہوں نے اپنی کتاب میں لکھا کہ عمران خان کے دوست یوسف صلاح الدین نے بتایا.کہ سالوں پہلے جب عمران خان نوجوان کرکٹر تھے، انہیں سپین کی ایک معروف خاتون نجومی نے بتایا تھا کہ سیاست میں کبھی مت آنا، اس خاتون نجومی نے عمران خان کو کہا تھا کہ اگر تم وزیراعظم بنے تو قتل کر دیے جاؤگے۔ ویلیم ڈیلرمپل اپنی کتاب میں لکھتے ہیں کہ خاتون نجومی نے عمران خان کو بتایا تھا کہ وہ طویل اور خوشگوار زندگی پائیں گے، ان کی زندگی میں بس ایک ہی چیز پریشان کن ہے اور وہ سیاست ہے، اس خاتون نجومی نے عمران خان کو سیاست میں نہ آنے کا مشورہ دیا تھا، واضح رہے کہ اس خاتون نجومی نے یہ پیشگوئی اس وقت کی تھی جب عمران خان نے شاید کبھی سوچا بھی نہ ہوگا کہ وہ سیاست میں حصہ لیں گے تاہم یوسف صلاح الدین کے مطابق وہ کبھی اس پیش گوئی کو نہیں بھولے اور اسی وجہ سے وہ کئی سال تک سیاست میں حصہ لینے سے ہچکچاتے رہے۔ عمران خان کا اس حوالے سے کہنا تھا کہ ہو سکتا ہے میں آج ہی کسی کارحادثے میں مر جاؤں یا کل کینسر سے میری موت واقع ہو جائے، کچھ بھی ہو سکتا ہے لہٰذا موت کوئی ایسی چیز نہیں جس پر پریشان ہوا جائے، کیونکہ موت نے ایک دن آ کر رہنا ہے۔

Facebook Comments