52

تحریک انصاف کی کابینہ کتنے اراکین پر مشتمل ہوگی؟ قومی اسمبلی کا سپیکر کون اور ڈپٹی سپیکر کون ہوگا؟وفاقی وزراء کون کون ہونگے؟ تفصیلات منظر عام پر آگئیں

لاہور ( آوازچترال رپورٹ) پاکستان تحریک انصاف کی کابینہ 18سے 20اراکین پر مشتمل ہونے کا امکان ہے، اسپیکر قومی اسمبلی کیلئے عارف علوی اورشفقت محمود مضبوط امیدوار جبکہ ڈپٹی اسپیکرکا عہدہ اتحادی جماعت کو دیا جاسکتا ہے۔ذرائع کے مطابق تحریک انصاف کو انتخابات میں واضح برتری حاصل ہے،اب حکومت سازی اورکابینہ کی تشکیل نیا چیلنج بن گئی،حکومت سازی کیلئے عمران خان کی پارٹی رہنماؤں سے مشاورت جاری ہے۔ذرائع کا کہنا ہے کہ عمران خانکی کابینہ 18سے 20 اراکین پرمشتمل ہوگی ، اسپیکر قومی اسمبلی کیلئے عارف علوی اورشفقت محمود کے نام زیرغورہیں جبکہ ڈپٹی اسپیکرکا عہدہ اتحادی جماعت کو دیئےجانے کا امکان ہے ۔ وفاقی کابینہ کی تشکیل میں وزارت خارجہ کیلئے شاہ محمود قریشی ، اسد عمر وزیر خزانہ اور فواد چوہدری وزیراطلاعات کیلئے مضبوط امیدوارہیں۔نئی کابینہ میں مراد سعید، غلام سرور ، شہریار آفریدی ،سینیٹرچوہدری سرور اورسینیٹراعظم سواتی کی شمولیت کا بھی امکان ہے۔

Facebook Comments