79

پشاور میں دھماکا، 5 افراد جاں بحق، متعدد زخمی

پشاور میں جی ٹی روڈپربلال ٹاؤن کےقریب ہوٹل میں دھماکے سے 5افرادجاں بحق اور 2زخمی ہوگئے ہیں۔ جاں بحق افراد کا تعلق ایک ہی خاندان سے ہے۔

پولیس کے مطابق دھماکا ہوٹل کےکمرہ نمبر408 میں ہوا جس کے بعد ہوٹل کی چوتھی اورپانچویں منزل پرآگ لگ گئی، دھماکے کے نتیجے میں ہوٹل کی عمارت کا ملبہ گرنے کئی گاڑیوں کو بھی نقصان پہنچا۔

بم ڈسپوزل اسکواڈ کو نے موقع پر پہنچ کر تحقیقات شروع کردی ہیں۔

سی سی پی او قاضی جمیل الرحمان نے میڈیا سے گفتگو کرتے ہوئے بتایاکہ دھماکےکی مختلف زاویوں سےتفتیش کی جارہی ہے،دھماکےکی نوعیت سےمتعلق بتانا قبل ازوقت ہوگا۔

سی سی پی او نے بتایا کہ دھماکےمیں جاں بحق اورزخمی افرادایک ہی کمرےمیں رہائش پذیرتھے،جاں بحق افراد میں بچے بھی شامل ہیں۔

قاضی جمیل الرحمان نے کا کہنا تھا کہ دھماکےکی مختلف زاویوں سےتفتیش کی جارہی ہے،ہوٹل کےبقیہ کمروں کوبھی چیک کررہےہیں۔

Facebook Comments