تازہ ترین

دروش میں پاکستان زندہ باد جشن بہاراں فٹ بال ٹورنمنٹ کاآغاز، کرنل خرم نے افتتاح کیا،

دروش(نمائندہ آوازچترال) ہفت روزہ چترال پوسٹ اور آئیڈیل کلب درو ش کے زیر اہتمام منعقد ہونے والے پاکستان زندہ باد جشن بہاراں فٹ بال ٹورنمنٹ کا باقاعدہ ہو گیا۔ چترال سکاؤٹس 145ونگ کے کمانڈر لیفٹیننٹ کرنل خرم نے بحیثیت مہمان خصوصی جشن بہاراں کا افتتاح کر دیا۔ افتتاحی تقریب میں مقامی عمائدین قاری جمال عبدالناصر، ممبران تحصیل کونسل قصوراللہ قریشی، روئیدار احمد ساجد، ویلج کونسل ناظمین طارق عزیز، حاجی ناصرالدین، فضل الرحمن ایون،صلاح الدین طوفان، انجینئر بہرام سید، انجینئر ریاض کامل، سمیع اللہ ثمین، آفتاب عالم و دیگر عمائدین کے علاوہ چترال سے مختلف ٹیموں کے کھلاڑیاں بھی موجود تھے۔ اس موقع پر کھلاڑیوں سے گفتگو کرتے لیفٹیننٹ کرنل خرم نے ٹورنمنٹ کے انعقاد کو سراہتے ہوئے کہا کہ صحت مند سرگرمیاں معاشرے کے لئے نہایت ضروری ہیں اور نوجوانوں کو تفریح کے مواقع فراہم کرتے ہیں۔ انہوں نے کہا کہ چترال سکاؤٹس ہمیشہ سے کھیلوں کی سر پرستی کرتی آئی اور ہمیشہ کیلئے اپنا تعاؤن فراہم کرے گی۔ کرنل خرم نے کہا کہ کرنل مراد اسٹیڈئم دروش کو مزید بہتر بنانے کے لئے کام کیاجا رہا ہے۔ اس موقع پر آئیڈیل کلب کے سرپرست حاجی شاد محمد مرحوم کے ایصال ثواب کے لئے اجتماعی دعا بھی کی گئی۔
ٹورنمنٹ کے پہلے روز فٹ بال کے پانچ میچز کھیلے گئے جسمیں ہیلو برادز لنگہ دروش، چمرکن اے، گرومیل فٹبال کلب، ہیڈ کوارٹر جغور اور چمرکن ایف سی نے اپنے اپنے میچوں میں کامیابی حاصل کر لی۔اس ٹورنمنٹ میں ضلع بھر سے فٹ بال کی 32ٹیمیں حصہ لے رہی ہیں۔

Facebook Comments

متعلقہ مواد

Back to top button