تازہ ترین

محکمہ تعلیم میں مختلف این ٹی ایس کے ٹیسٹ میں شامل ہونے والوں کے لئے انگریزی، ریاضی، فزکس، بیالوجی، کیمسٹری، عربی، اردو، جنرل نالج اور ایجوکیشن کے مضامین میں کلاسوں کا اہتمام کیا جائے گا۔چترال عبدالاکرم خان

چترال (نمائندہ آواز چترال) شہید اسامہ وڑائچ اکیڈمی چترال نے طلباء وطالبات اور محکمہ تعلیم میں مختلف کیڈر کی ٹیچر ز کی سیلیکشن کے لئے این ٹی ایس کے زیر اہتمام ٹیسٹوں میں شرکت کرنے والوں کے لئے خصوصی کلاسوں کا اہتمام کیا ہے اور دور دراز سے آنے والوں کے لئے ہاسٹل اور ٹرانسپورٹ کی سہولیات بھی پیش کئے جارہے ہیں ۔ اسسٹنٹ کمشنر چترال عبدالاکرم خان کے مطابق محکمہ تعلیم میں ایس ایس ٹی، سی ٹی، پی ایس ٹی، ڈی ایم، اے ٹی، قاریہ /قاری کی اسامیوں کے لئے این ٹی ایس کے ٹیسٹ میں شامل ہونے والوں کے لئے انگریزی، ریاضی، فزکس، بیالوجی، کیمسٹری، عربی، اردو، جنرل نالج اور ایجوکیشن کے مضامین میں کلاسوں کا اہتمام کیا جائے گا۔ انہوں نے کہاکہ جماعت نہم سے لے کر بی اے ، بی ایس سی تک اسپیشل ٹیوشن کلاسز بھی شروع کئے جارہے ہیں۔ کلاسز یکم جنوری 2018ء سے گورنمنٹ سینٹینل ماڈل سکول (گورنمنٹ ہائی سکول) چترال میں ہوں گے ۔ تمام خواہشمند حضرات کو 31۔دسمبر تک رجسٹریشن کرنے کی ہدایت کی گئی ہے۔

Facebook Comments

متعلقہ مواد

Back to top button