64

انجینئر امیر مقام کو پارٹی کا صوبائی صدر منتخب ہونے پر مبارک بادی پیش کرتے ہوئے کہا ہے کہ ان کے صدارت سے پارٹی کی پوزیشن صوبے میں مستحکم ہوگی ہے ۔ سعید احمد خان

چترال (عبدالغفار سے ) پاکستان مسلم لیگ (ن) کے ضلعی صدر اور سابق ایم پی اے سعید احمد خان اور پارٹی کے دوسرے رہنماؤں صفت زرین اور محمد کوثر ایڈوکیٹ نے انجینئر امیر مقام کو پارٹی کا صوبائی صدر منتخب ہونے پر مبارک بادی پیش کرتے ہوئے کہا ہے کہ ان کے صدارت سے پارٹی کی پوزیشن صوبے میں مستحکم ہوگی اور خیبر پختونخوا میں بھی مسلم لیگ کی حکومت قائم ہونا لازمی ٹھہر گئی ۔ ایک مشترکہ اخباری بیان میں انہوں نے کہا ہے کہ انجینئر امیر مقام نہایت متحرک شخصیت اور خداداد صلاحیتوں کے مالک ہیں اور سیاسی سمجھ بوجھ میں اس صوبے میں کوئی بھی سیاسی لیڈر ان کا ہم پلہ نہیں ہوسکتا اور یہ پارٹی کی خوش قسمتی ہے کہ اس کی قیادت ایک غیر معمولی صلاحیت کے حامل سیاست دان کے سپر د ہوئی ہے جس نے اپنی قابلیت کا لوہا منواچکا ہے۔ مسلم لیگ کے رہنماؤں نے انجینئر امیر مقام کو یقین دلاتے ہوئے کہا کہ چترال کے چپے چپے میں مسلم لیگ کا پرچم گھر گھر لہرانے میں وہ کوئی کسر نہیں اٹھائیں گے اور اپنی تمام توانائی ،وقت اور جان ومال تک قربان کرنے سے دریغ نہیں کریں گے۔ انہوں نے نومنتخب صدر سے مطالبہ کیا کہ وہ اپنی پہلی فرصت میں چترال کا دورہ کریں جہاں مسلم لیگ اور نواز شریف کے پروانے ان کا فقید المثال استقبال کرنے کو بے تاب ہیں۔

Facebook Comments

اپنا تبصرہ بھیجیں